Anong nangyari saken?

Madaming bagay ang hindi ko maintindihan, hindi ko alam kung ano, kung paano. Ang alam ko lang ay nagbago ako, nagbago na hindi ko na kayang maibalik sa dati. Natatakot ako sa ganitong sistema ng buhay ko. Madami ng tao ang nasasaktan ko, nasasaktan na hindi ko alam dahil sa ngayon wala na akong pakialam sa nararamdaman ng iba.

Hindi ako ganito, hindi ganito ang taong nakilala nila. Ibang iba na ako ngayon. Hindi ko mainrindihan ang sarili ko pero gustong gusto kong ibalik yung dati. Hindi ko alam kung anong nangyari, kung paano ako nagkaganito. Masyadong mailap ako sa mundo, hindi ko alam ang gagawin ko. Gulong gulo na ako, maraming bagay ang nawala at nagiba sa akin.

Isa lang ang naiisip kong dahilan, epekto siguro to ng sobrang sakit na naramdaman ko dati. Dumating kasi sa point na pinilit ko na itatak sa isipan ko na hindi na ako dapat masaktan o mahirapan man. At eto, sa ibang tao naman ako nakakasakit. At ngayon gusto kong ibalik yung dati pero pano?